CULTURA
Somos unha asociación sen ánimo de lucro que promove o coñecemento libre e os proxectos Wikimedia, sendo Wikipedia o máis coñecido. Constituímonos en 2011 e dende entón traballamos para mellorar a accesibilidade, o uso e a participación na enciclopedia libre e os seus proxectos irmáns, tanto a nivel social coma institucional. Como asociación, contamos cuns valores, unha misión e unha visión que nos definen:
Misión
Promovemos a organización, difusión e mellora de iniciativas que apoien o acceso, modificación e redistribución do coñecemento libre. Proporcionamos ferramentas e recursos para que todas as persoas, colectivos e institucións poidan participar na creación, recompilación e difusión de contido multilingüe, diverso e de calidade nos proxectos Wikimedia.
Visión
Queremos un mundo en que todas as persoas poidan acceder a todo o coñecemento, producilo e compartilo no seu propio idioma, de forma libre e gratuíta.
Valores
Entendemos os valores como o conxunto de crenzas e normas que orientan e regulan o comportamento e a vida desta organización, e que constitúen o soporte da visión, a misión, a estratexia e os obxectivos estratéxicos. Estes son os seguintes:
- Diversidade
- Transparencia
- Dinamismo
- Accesibilidade
- Comunidade
- Independencia
