AVISO LEGAL

Dámosche a benvida á nosa web e agradecemos o teu interese por ler as condicións legais da mesma. Sabemos que este tema pode non ser o teu favorito, pero é importante que coñezas toda a información relativa aos termos e condicións legais que definen as relacións entre as persoas usuarias da nosa web e o noso centro deportivo, como responsable deste sitio web. Como persoa usuaria, é importante que coñezas estes termos antes de continuar coa túa navegación.

Somos WIKIMEDIA ESPAÑA, o capítulo recoñecido pola Fundación Wikimedia en España, unha asociación sen ánimo de lucro que, como responsable desta web, comprometémonos a procesar a información das persoas usuarias con plenas garantías e a cumprir cos requisitos nacionais e europeos que regulan a recollida e uso dos datos persoais.

O acceso á nosa web é gratuíto agás no relativo ao custo da conexión a través da rede de telecomunicacións subministrada polo provedor de acceso contratado polas persoas usuarias.

O acceso e navegación pola web supoñen que a persoa usuaria acepta na súa totalidade e se obriga a cumprir completamente o presente Aviso Legal, así como as instrucións ou recomendacións que se lle indiquen en cada caso concreto a través da web. A utilización da nosa web atribúe a condición de persoa usuaria (en diante, ‘Usuaria’ ou ‘Persoa Usuaria’) e implica a aceptación de todas as condicións incluídas neste Aviso Legal. A prestación do servizo a través da nosa web ten unha duración limitada ao momento no que a persoa usuaria se atope conectada. Polo tanto, a persoa usuaria debe ler atentamente o presente Aviso Legal en cada unha das ocasións nas que se propoña utilizar a web, xa que este e as súas condicións de uso poden sufrir modificacións.

Esta web cumpre rigorosamente co Regulamento (UE) 2016/679 do Parlamento Europeo e do Consello do 27 de abril de 2016 relativo á protección das persoas físicas (RGPD), coa Lei Orgánica 3/2018, do 5 de decembro, de Protección de Datos e Garantía dos Dereitos Dixitais (LOPDGDD), así como coa Lei 34/2002, do 11 de xullo, de Servizos da Sociedade da Información e Comercio Electrónico (LSSICE).

En cumprimento do artigo 10 da Lei 34/2002, do 11 de xullo, de Servizos da Sociedade da Información e Comercio Electrónico, a continuación expóñense os datos identificativos de WIKIMEDIA ESPAÑA:

• Titular: WIKIMEDIA ESPAÑA
• NIF: G-10413698
• Enderezo: Rúa Vega Sicilia nº 2, 47008, Valladolid (España)
• Correo electrónico: secretaria@wikimedia.es
• Inscrición Rexistral: Inscrita no Rexistro Nacional de Asociacións Grupo 1, Nº Nacional 597390.

1º) INFORMACIÓN SOBRE PROPIEDADE INTELECTUAL E INDUSTRIAL

Agás onde se indique o contrario, o contido deste sitio web está baixo unha licenza Creative Commons Attribution-ShareAlike 4.0 Unported.

Nos casos nos que se indique a reserva de dereitos © WIKIMEDIA ESPAÑA, esta será a titular exclusiva dos dereitos de explotación deses contidos.

WIKIMEDIA ESPAÑA poderá realizar, en calquera momento e sen necesidade de aviso previo, modificacións e actualizacións sobre a información contida no seu sitio web, ou na súa configuración ou presentación. WIKIMEDIA ESPAÑA realiza todos os esforzos posibles para que a información subministrada a través desta web sexa clara, comprensible e adecuada, así como para evitar erros na medida do posible e, no seu caso, reparalos ou actualizalos. Non obstante, WIKIMEDIA ESPAÑA non pode garantir a inexistencia de erros nin que o contido da información se atope permanentemente actualizado.

WIKIMEDIA ESPAÑA é propietaria ou, no seu caso, conta co consentimento expreso ou coas licenzas correspondentes sobre os dereitos de explotación de propiedade intelectual e industrial necesarios para operar a web, así como de todos os contidos ofrecidos na mesma, incluíndo os propios sitios web, textos, fotografías, vídeos ou ilustracións, logotipos, marcas, gráficos, deseños, interfaces ou calquera outra información ou contido e os servizos dispoñibles a través da mesma.

Se a persoa usuaria tivese coñecemento da existencia de algún contido ilícito, ilegal, contrario ás leis ou que puidese supoñer unha infracción de dereitos de propiedade intelectual, industrial ou de calquera outra índole, deberá notificalo inmediatamente a WIKIMEDIA ESPAÑA a través do correo electrónico secretaria@wikimedia.es, para que poidamos proceder á adopción das medidas oportunas.

Do mesmo xeito, no caso de que calquera persoa usuaria ou un terceiro considere que algún dos contidos da web propiedade de WIKIMEDIA ESPAÑA vulnera os seus dereitos de propiedade intelectual, industrial ou de calquera outra índole, deberá remitir unha comunicación ao correo electrónico secretaria@wikimedia.es, para que poidamos proceder á adopción das medidas oportunas, coa seguinte información:

• Datos identificativos e medio de contacto da persoa reclamante ou do seu representante legal.
• Documentación que acredite a súa condición de titular dos dereitos supostamente infrinxidos.
• Relato detallado dos dereitos supostamente vulnerados por WIKIMEDIA ESPAÑA, así como a súa localización exacta dentro da web.
• Declaración expresa por parte da persoa reclamante de que a utilización dos contidos se realizou sen o consentimento da persoa titular dos dereitos supostamente infrinxidos.

WIKIMEDIA ESPAÑA en ningún caso será responsable do incumprimento por parte dos seus provedores ou colaboradores dos dereitos de propiedade intelectual das persoas autoras das imaxes e fotografías subministradas por estes, presumindo que os dereitos de explotación sobre as mesmas foron debidamente cedidos polos seus titulares aos citados provedores.

WIKIMEDIA ESPAÑA promove o uso de Wikipedia e dos outros proxectos Wikimedia, pero non ten control editorial sobre estes sitios, e non intervén no seu contido. Se tes algún problema concreto sobre os artigos de Wikipedia (erros ou imprecisións nos seus contidos), por favor utiliza a lapela de “Discusión”, situada na parte superior esquerda de cada artigo.

2º) CONDICIÓNS E TERMOS DE REXISTRO E ACCESO AO SITIO WEB

A persoa usuaria, polo mero feito de acceder ao presente sitio, calquera que sexa a forma de dito acceso, consinte e acepta as presentes condicións, as cales marcarán o réxime de utilización do presente sitio web. A persoa titular resérvase o dereito a alteralas e modificalas en calquera momento, sendo as publicadas na última actualización as que rexen e son de aplicación en cada visita. Se a persoa usuaria non acepta a totalidade das presentes condicións, non está autorizada a acceder ao presente sitio web nin aos contidos e servizos nel aloxados, debendo proceder a abandonar o sitio de forma inmediata. As presentes condicións son así mesmo extensibles e aplicables ás comunicacións e boletíns que, no seu caso, poidan remitirse por parte da titular do sitio web, debendo, por tanto, a persoa usuaria aceptar estas condicións para o seu acceso e/ou uso.

WIKIMEDIA ESPAÑA resérvase o dereito de excluír, temporal ou definitivamente, ás persoas usuarias en calquera dos seguintes supostos:

• Por incumprimento de calquera das presentes condicións xerais de uso.
• Por incumprimento das leis, da moral e da orde pública.

3º) OBXECTO

www.wikimedia.es é a páxina web oficial de WIKIMEDIA ESPAÑA, o capítulo recoñecido pola Fundación Wikimedia en España, unha asociación sen ánimo de lucro que promove o coñecemento libre e os proxectos Wikimedia, sendo Wikipedia o máis coñecido. Constituímonos en 2011 e levamos todos estes anos traballando para mellorar a accesibilidade, o uso e a participación na enciclopedia libre e nos seus proxectos irmáns, tanto a nivel social como institucional.

Na nosa web poderás acceder á nosa axenda de eventos, novas, proxectos, colaborar connosco, doar, subscribirte ao noso boletín e asociarte, podendo contactar connosco mediante o formulario habilitado para tal fin ou mediante correo electrónico na dirección secretaria@wikimedia.es, reservándose o dereito de poder ofrecer outros contidos e ligazóns relacionados ou non co anterior.

4º) POLÍTICA DE PROTECCIÓN DE DATOS PERSOAIS

Podes ler que datos recompilamos e como tratamos os datos das persoas usuarias na nosa política de protección de datos.

5º) VINCULACIÓN A OUTROS SITIOS WEB

Prohíbese a presentación dunha páxina do sitio web nunha xanela dun sitio web que non pertenza á titular da web www.wikimedia.es, mediante a técnica denominada «framing», salvo que se conte co consentimento expreso de WIKIMEDIA ESPAÑA.

Prohíbese a inserción de calquera tipo de contido difundido a través da web www.wikimedia.es noutro sitio web distinto mediante a técnica denominada «in line linking», se non se conta co consentimento expreso de WIKIMEDIA ESPAÑA.

Autorízase o establecemento de ligazóns de hipertexto (hipervínculos) noutros sitios web, dirixidos á páxina principal www.wikimedia.es, ou, no seu caso, a calquera outra páxina interna (“deep link”) do sitio web, sempre que as páxinas correspondentes aparezan nunha xanela completa e baixo as súas respectivas direccións web, asumindo a total responsabilidade e risco quen proceda a establecer o hipervínculo ao sitio web.

6º) RESPONSABILIDADES

As persoas comprométense a facer un uso adecuado dos contidos e servizos que WIKIMEDIA ESPAÑA ofrece a través do seu sitio web e a non empregalos para:

• (I) Incorrer en actividades ilícitas, ilegais ou contrarias á boa fe e á orde pública.
• (II) Difundir contidos ou propaganda de carácter machista, racista, xenófobo, pornográfico-ilegal, de apoloxía do terrorismo ou atentatorio contra os dereitos humanos.
• (III) Provocar danos nos sistemas informáticos de WIKIMEDIA ESPAÑA ou das súas entidades provedoras.
• (IV) Introducir ou difundir na rede de WIKIMEDIA ESPAÑA virus informáticos ou calquera outro sistema susceptible de provocar danos.
• (V) Desenvolver actividades relacionadas con técnicas de descompilación ou descodificación de contido non autorizadas.

No caso de que a persoa usuaria ou calquera outra persoa que use Internet teña coñecemento de que o sitio web exhibe contidos ou servizos ilícitos, nocivos, denigrantes, violentos ou contrarios á moral, ou de que os sitios enlazados remiten a páxinas con dito contido, deberá poñerse en contacto con WIKIMEDIA ESPAÑA na dirección de correo electrónico indicada neste aviso legal, identificándose de forma suficiente se fose preciso e describindo os feitos que considera ilícitos ou inadecuados. No caso de violación de dereitos como os de propiedade intelectual e industrial, deberá achegar tamén os datos persoais da titular do dereito infrinxido, cando sexa persoa distinta de quen comunica o feito. Así mesmo, deberá achegar o título que acredite a lexitimación da titularidade dos dereitos e, no seu caso, o de representación para actuar por conta da titular cando sexa persoa distinta de quen comunica, e declaración expresa de que a información contida na reclamación é exacta.

A recepción por parte de WIKIMEDIA ESPAÑA da comunicación prevista nesta cláusula non suporá, segundo o disposto na LSSI, o coñecemento efectivo das actividades e/ou contidos indicados pola persoa comunicante.

WIKIMEDIA ESPAÑA non garante de ningunha forma a precisión, contido, integridade, legalidade, fiabilidade, actualidade, veracidade, exactitude, funcionamento ou dispoñibilidade dos contidos e servizos que ofrece, declinando calquera responsabilidade sobre os mesmos, así como os prexuízos que, no seu caso, poidan derivarse. A información que se ofrece ten carácter meramente informativo e non é representativa de nada. O dito anteriormente é extensible ás ligazóns, contidos e opinións non pertencentes á titular nin aloxados no presente sitio web, correspondendo a responsabilidade en todo caso ás titulares dos contidos e dos sitios en cuestión. Así mesmo, WIKIMEDIA ESPAÑA non se fai responsable do uso incorrecto que, no seu caso, puidese efectuarse dos contidos ofrecidos, declinando toda responsabilidade ao respecto.

WIKIMEDIA ESPAÑA non se fai responsable directa nin subsidiariamente das reclamacións que poidan derivarse da calidade, fiabilidade, exactitude ou corrección dos contidos.

7º) PRESTACIÓN DO SERVIZO

WIKIMEDIA ESPAÑA resérvase o dereito a modificar os seus programas, así como a sistematización dos datos subministrados e as características técnicas de acceso e transmisión. Cando ditos cambios non permitan un uso compatible coas versións anteriores instaladas, WIKIMEDIA ESPAÑA comunicarano a través do seu sitio web. Igualmente resérvase o dereito de interromper parcial ou totalmente o servizo por cambios técnicos ou avarías, comunicándose previamente a través do seu sitio web se é posible ou a través de calquera outro medio habilitado para tal fin.

WIKIMEDIA ESPAÑA velará, na medida do posible, pola seguridade informática dos soportes técnicos usados pola persoa usuaria na súa navegación polas páxinas do sitio web. Non obstante, debido a que Internet non pode considerarse un medio seguro, WIKIMEDIA ESPAÑA non pode garantir a ausencia de virus ou outros elementos lesivos introducidos por terceiros que puidesen causar danos ou alteracións no sistema informático, nos documentos electrónicos ou nos ficheiros da persoa usuaria que visite este sitio web. En consecuencia, WIKIMEDIA ESPAÑA non responderá polos danos e prexuízos que tales elementos puidesen ocasionar ás usuarias e terceiras persoas.

Non é responsabilidade de WIKIMEDIA ESPAÑA o sistema operativo que estea implantado, nin as consecuencias que dun mal funcionamento do mesmo puidesen derivarse.

WIKIMEDIA ESPAÑA resérvase o dereito de efectuar sen aviso previo as modificacións que considere oportunas no seu sitio web, podendo cambiar, suprimir ou engadir tanto os contidos e servizos que se presten a través da mesma como a forma na que estes aparezan presentados ou localizados no seu sitio web.

8º) DEREITOS DE IMAXE E DISCLAIMER

WIKIMEDIA ESPAÑA non se fai responsable dos contidos, informacións e imaxes que non dependan do sitio web, nin sexan xestionados por WIKIMEDIA ESPAÑA, aínda que aparezan no sitio web en virtude de calquera convenio asinado por WIKIMEDIA ESPAÑA.

9º) INFRACCIÓNS

WIKIMEDIA ESPAÑA perseguirá o incumprimento das anteriores condicións, así como calquera utilización prohibida e indebida do seu sitio web, exercendo todas as accións civís e penais que lle poidan corresponder en dereito.

10º) VALIDEZ

No caso de que algunha cláusula ou parte da mesma do presente aviso fose declarada nula, dita circunstancia non afectará á validez do resto.

11º) XURISDICIÓN E FORO APLICABLE

Sabemos que nos levaremos ben, pero para concretar todas as posibles situacións que se poidan dar, queremos informarte que a lei aplicable a calquera controversia que se suscite en relación co presente sitio web e cos contidos nel ofrecidos será a lei española. As partes acordan someterse aos Xulgados e Tribunais de Valladolid, con renuncia expresa a calquera outro foro que puidese corresponderlles, salvo que conforme á túa lei nacional exista unha regulación do foro legal que exclúa a posibilidade de sometemento expreso, nese caso atenderase á disposición legal.

Última actualización el 12 de maio de 2025